حرفِ ‏آغاز ‏

 بسم الله الرحمن الرحيم


حمد و ثنا اس ذاتِ وحدہ لا شریکﷻ کے لئے جس کے ایک لفظ کُن سے ہزاروں کہکشائیں وجود میں آگئیں لیکن انسان کو اس نے اپنے ہاتھ سے بنایا۔ کروڑوں سجود شکر اس مالک الملکﷻ کے حضور کہ جس نے بن مانگے اپنے محبوبﷺ کی امت میں پیدا فرمایا۔ قربان اس کی صناعی کے کہ جو گوبر ملی مٹی سے خوبصورت، خوشبودار اور رنگ برنگے گلاب پیدا فرماتا ھے۔

کائنات کے ہر ذرے کے ہزار گنا درود و سلام اس عالی شان نبی کریمﷺ پر کہ جنﷺ کو تمام مخلوقات کے لئے رحمت بنا کر بھیجا گیا۔ جنﷺ کے مبارک نعلین پر لگی خاک کے ذروں پر ساری کہکشائیں فدا، لیکن آپﷺ نے ان نعلین کو اپنے نورانی ہاتھوں سے مرمت فرمانا پسند فرمایا۔ کہ جس ذاتﷺ نے اپنی امت کو بھیک مانگنے کی بجائے کلہاڑی اور رسی خریدنے کی ترغیب فرمائی۔

صلی اللہ علی سیدنا و مولنا محمد و آلہ و واصحابہ وبارک وسلم

Comments

Post a Comment

Popular posts from this blog

جھنڈُو ‏اور ‏سونے ‏کا ‏ ہسّ

میرے  نانا جی  تقسیمِ ہند سے پہلے کی بہت سی آپ بیتیاں اور جگ بیتیاں سنایا کرتے تھے۔ ان کے دور پار کا ایک رشتہ دار تھا جسے سب جھنڈُو کہتے تھے۔ جھنڈُو مجرد، سیلانی اور عادی چور تھا۔ کبھی کبھار وہ پھرتا پھراتا نانا کے گاؤں آتا تو اپنی مہم جوئی کے عجیب و غریب قصے سناتا۔ نانا جی ان میں سے اکثر ہمیں بھی کوئی نہ کہانی سناتے۔ جھنڈُو نے بتایا کہ ایک مرتبہ وہ ایک نوجوان بچھڑا چرا کر گھنے جنگل سے  گزر رہا تھا کہ اچانک اس کے سر پر چپت پڑی اور ساتھ ہی شرارتی نسوانی آواز میں کسی نے اس کا نام پکارا “ جھنڈُو او جھنڈُو”  اُس نے چونک کر ادھر اُدھر دیکھا تو اسے درختوں میں گھاگھرے میں ملبوس ایک چڑیل نظر آئی۔ جھنڈُو دل گردے والا انسان تھا وہ ذرا بھر خوفزدہ نہ ہوا۔ چڑیل اب اس کے اوپر ہی اوپر ساتھ ساتھ جارہی تھی اور وقفے وقفے سے اس کے سر پر پاؤں سے ٹھوکر مار کر اسے چڑانے کے انداز میں دہراتی تھی، “جھنڈُو او جھنڈُو” اُس نے چپکے سے بچھڑے کے گلے میں پڑے رسے کا وہ سرا جو اس کے ہاتھ میں تھا، کو ناگ بل (ایک طرح کی گھانٹھ) دے لیا۔ جیسے ہی چڑیل نے اگلی چپت لگائی اس نے لپک کر اس کی ٹانگ پکڑ لی اور ...
Read more

‏کہیں انکار کا غم ہے، کہیں اقرار کا غم ہے

‏کہیں انکار کا غم ہے، کہیں اقرار کا غم ہے ‏کسی کو یار کا غم ہے، کہیں دلدار کا غم ہے  ‏کہیں بے روزگاری ہے، کہیں شکوہ مشقت کا    ‏کہیں بے کار کا غم ہے، کہیں بے گار کا غم ہے ‏کہیں غم ہے کہ غم کو بانٹنے والا نہیں ملتا  ‏کہیں ہر وقت سر پر ناچتے غم خوار کا غم ہے  ‏کہیں غم ہے کہ کھانے کو میسر صرف فاقے ہیں ‏کہیں چڑھتی ہوئی چربی تو بڑھتے بار کا غم ہے ‏کہیں سردی ستاتی ہے، کہیں گرمی نے مارا ہے ‏کہیں صحرا سرابی ہیں، کہیں منجدھار کا غم ہے ‏کہیں غم ہے محبت کا، کہیں غم ہے معیشت کا  ‏کہیں غم ہے مصیبت کا، کہیں آزار کا غم ہے  ‏کہیں قربت نے گھیرا ہے، کہیں فرقت کے سائے ہیں ‏کہیں تنہائی ڈستی ہے، کہیں دو چار کا غم ہے ‏کہیں چلنے کی جلدی ہے، کہیں رُکنے کا رونا ہے ‏ کہیں ساکن اذیت ہے، کہیں رفتار کا غم ہے  ‏کہیں پر کھوجنے کی دُھن، کہیں حسرت بھلانے کی ‏کہیں افکار کا غم ہے، کہیں اسرار کا غم ہے
Read more

غزل 32

خود اپنا ہوش کنارے پہ دھر کے دیکھا ہے  جنُوں کے بحر میں گہرا اُتر کے دیکھا ہے  ہر ایک بات پہ مرنے کا دعوٰی کرتے ہو  بھلا بتاؤ کبھی تم نے مر کے دیکھا ہے؟   ہوا یقین انھیں حسن کی حقیقت کا جو خود کو آئینے میں بن سنور کے دیکھا ہے   کبھی حقیقتیں بھی ریت کا محل ٹھہریں  کبھی خیال سبھی رنگ بھر کے دیکھا ہے   زمانہ روندتا ہے اپنے پاؤں کے نیچے  تماشا جابجا میں نے ٹھہر کے دیکھا ہے
Read more