حد کے اندر ہے بے حد

 وضو توڑ دینے والے عوامل پر غور کریں، بادِ شکم اور جسمانی رطوبات کے قلیل سے اخراج سے وضو ٹوٹ جاتا ہے،

‏حالانکہ وضو ہوتے ہوئے ، مقدس ترین مقامات پر اعلیٰ ترین عبادات کے دوران جسم کے اندر انہی مواد کی کثیر مقدار موجود ہوتی ہے۔
‏انہی رطوبات سے جسمانی نظام رواں دواں اور حیاتِ انسانی قائم و دائم ہے۔ مگر تصور کریں کہ کسی اہم تقریب میں کسی ملک کے سربراہ یا کسی ذی وقار شخصیت کے رُخ پر لعابِ دہن یا ناک کی رطوبت کے چند قطرے لگیں ہوں یا اس کے صاف ستھرے لباس کے دامن پر اسی کے پیٹ میں پائی جانے والی گندگی کا دھبہ ہو تو کیا ہو۔
‏
‏تو ثابت ہوا کہ سارا راز حد کے اندر رہنے یا حد کو پار کرنے میں ہے۔
‏ہمارے فاسد خیالات اور الفاظ کی مثال بھی ایسی ہی ہے۔
‏جب تک وہ ہمارے ذہن و زبان کی حد میں رہتے ہیں، ہماری شخصیت کا بھرم قائم رہتا ہے۔ جیسے ہی زبان و قلم سے ادا ہوجائیں، ہمارے اخلاق و شائستگی کی عمارت میں بدنما دراڑ پڑ جاتی ہے۔
‏اس سے ایک اور قدم آگے بڑھیں تو ہم پر یہ امر آشکار ہوتا ہے کہ خیالات و تصورات ہمارے باطن میں بھی اپنی حدود کے اندر رہنے چاہئیں۔
‏جیسے کہ سمندروں میں بھی دریا یا رو (currents) بہتے ہیں.
‏اور گر بات کی تہہ تک پہنچیں تو معلوم ہوگا کہ خیال کے پودے کے اگتے ہی اس کی تاثیر کے مطابق یا تو اسے مثبت پاکر اس کی نشوونما کرنی چاہئے یا مضر پاکر جڑی بوٹی کی طرح تلف کردینا چاہئے۔
‏ بقول سرکار سید عبداللٰہ شاہ رحمتہ اللٰہ علیہ
‏ پَھڑ نُقطہ ،چھوڑ حساباں نوں
‏کر دُور کُفر دیاں باباں نوں
‏چھڈ دوزخ گور عذاباں نوں
‏ کر صاف دِلے دیاں خواہاں نوں
‏ گل ایسے گھر وچ ڈُھکدی اے

Comments

Post a Comment

Popular posts from this blog

جھنڈُو ‏اور ‏سونے ‏کا ‏ ہسّ

میرے  نانا جی  تقسیمِ ہند سے پہلے کی بہت سی آپ بیتیاں اور جگ بیتیاں سنایا کرتے تھے۔ ان کے دور پار کا ایک رشتہ دار تھا جسے سب جھنڈُو کہتے تھے۔ جھنڈُو مجرد، سیلانی اور عادی چور تھا۔ کبھی کبھار وہ پھرتا پھراتا نانا کے گاؤں آتا تو اپنی مہم جوئی کے عجیب و غریب قصے سناتا۔ نانا جی ان میں سے اکثر ہمیں بھی کوئی نہ کہانی سناتے۔ جھنڈُو نے بتایا کہ ایک مرتبہ وہ ایک نوجوان بچھڑا چرا کر گھنے جنگل سے  گزر رہا تھا کہ اچانک اس کے سر پر چپت پڑی اور ساتھ ہی شرارتی نسوانی آواز میں کسی نے اس کا نام پکارا “ جھنڈُو او جھنڈُو”  اُس نے چونک کر ادھر اُدھر دیکھا تو اسے درختوں میں گھاگھرے میں ملبوس ایک چڑیل نظر آئی۔ جھنڈُو دل گردے والا انسان تھا وہ ذرا بھر خوفزدہ نہ ہوا۔ چڑیل اب اس کے اوپر ہی اوپر ساتھ ساتھ جارہی تھی اور وقفے وقفے سے اس کے سر پر پاؤں سے ٹھوکر مار کر اسے چڑانے کے انداز میں دہراتی تھی، “جھنڈُو او جھنڈُو” اُس نے چپکے سے بچھڑے کے گلے میں پڑے رسے کا وہ سرا جو اس کے ہاتھ میں تھا، کو ناگ بل (ایک طرح کی گھانٹھ) دے لیا۔ جیسے ہی چڑیل نے اگلی چپت لگائی اس نے لپک کر اس کی ٹانگ پکڑ لی اور ...
Read more

‏کہیں انکار کا غم ہے، کہیں اقرار کا غم ہے

‏کہیں انکار کا غم ہے، کہیں اقرار کا غم ہے ‏کسی کو یار کا غم ہے، کہیں دلدار کا غم ہے  ‏کہیں بے روزگاری ہے، کہیں شکوہ مشقت کا    ‏کہیں بے کار کا غم ہے، کہیں بے گار کا غم ہے ‏کہیں غم ہے کہ غم کو بانٹنے والا نہیں ملتا  ‏کہیں ہر وقت سر پر ناچتے غم خوار کا غم ہے  ‏کہیں غم ہے کہ کھانے کو میسر صرف فاقے ہیں ‏کہیں چڑھتی ہوئی چربی تو بڑھتے بار کا غم ہے ‏کہیں سردی ستاتی ہے، کہیں گرمی نے مارا ہے ‏کہیں صحرا سرابی ہیں، کہیں منجدھار کا غم ہے ‏کہیں غم ہے محبت کا، کہیں غم ہے معیشت کا  ‏کہیں غم ہے مصیبت کا، کہیں آزار کا غم ہے  ‏کہیں قربت نے گھیرا ہے، کہیں فرقت کے سائے ہیں ‏کہیں تنہائی ڈستی ہے، کہیں دو چار کا غم ہے ‏کہیں چلنے کی جلدی ہے، کہیں رُکنے کا رونا ہے ‏ کہیں ساکن اذیت ہے، کہیں رفتار کا غم ہے  ‏کہیں پر کھوجنے کی دُھن، کہیں حسرت بھلانے کی ‏کہیں افکار کا غم ہے، کہیں اسرار کا غم ہے
Read more

غزل 32

خود اپنا ہوش کنارے پہ دھر کے دیکھا ہے  جنُوں کے بحر میں گہرا اُتر کے دیکھا ہے  ہر ایک بات پہ مرنے کا دعوٰی کرتے ہو  بھلا بتاؤ کبھی تم نے مر کے دیکھا ہے؟   ہوا یقین انھیں حسن کی حقیقت کا جو خود کو آئینے میں بن سنور کے دیکھا ہے   کبھی حقیقتیں بھی ریت کا محل ٹھہریں  کبھی خیال سبھی رنگ بھر کے دیکھا ہے   زمانہ روندتا ہے اپنے پاؤں کے نیچے  تماشا جابجا میں نے ٹھہر کے دیکھا ہے
Read more